बर्दियाको राजापुर नगरपालिकामा उचित ढलनिकास नहुँदा दुर्गन्ध बढ्नुका साथै रोग व्याधीको जोखिम बढेको छ ।
स्थानीय सरकारले विकास पूर्वाधारमा सडक निर्माणलाई प्राथमिकता दिदाँ पनि उचित ढल निकासको व्यवस्थापन गर्न नसक्दा समस्या बढेको हो ।
पछिल्लो समय नगरपालिकाले विकासका कामहरु सम्पन्न गर्दा उचित व्यस्थापन गर्नुको सट्टा दीर्घकालिन सोचविना निर्माण गरिएका नाला रहित बाटोले स्थानीयमा मौसम अनुसारको जोखिम बढाएको समाजसेवी तथा बुद्धिजीवि राममणि उपाध्यायले वताउनु भयो ।
राजापुरमा जताततै फोहर र नालामा जम्मा भएका पानीले दुगन्र्ध बढाएको, लामखुट्टे, झिँगा जस्ता परजीविको वृद्धि भएर प्रकोपको डर भएको उहाँको भनाई छ ।
राजापुरमा निकास नबनाएरै विचविचमा नाला निर्माण गर्ने सडकभन्दा अग्ला नाला बनाउने, बग्ने नालाभन्दा पनि पानी जम्ने नाला बन्दा विभिन्न प्रकारका जोखिम बढेको हो ।
सरकारी रकमको सदुपयोग गर्दै निर्माण गरिएका यस्ता संरचनामा प्राविधिक त्रुटी हुनुका साथै समयमै अनुगमन नगरी काम सम्पन्न भए पछि अनुगमन गर्दा पनि यस्ता समस्या बढेका हुन ।
नगरपालिकाले सुन्दर पालिका बनाउन विभिन्न प्रयास गरे पनि स्थानीयले बाटोमै पशु चौपाया बाध्ने, लामो समयसम्म निर्माण सामग्रीहरु बाटोमा राख्ने गर्दा पनि दुर्गन्ध बढेर सरसफाइमा समस्या भएको स्थानीयको गुनासो छ ।
