सामुदायिक विद्यालयको शैक्षिक गुणस्तरमा सुधार ल्याउन राजापुर नगरपालिकाको वडा नं. ५ ले वडा स्तरीय अतिरिक्त क्रियाकलाप र आन्तरिक परीक्षा सञ्चालन गरेको छ । सामुदायिक विद्यालयको आधार तहमा शैक्षिक स्तर खस्कदो अवस्थामा रहेको बेला वडा नं. ५ ले भने आफ्नो वडा भित्रका आधार तहका विद्यार्थीहरुबिच प्रतिस्पर्धात्मक मूल्याङ्कन गरेको हो ।
वडामा रहेको श्री किसान मावि, श्री पद्य कुमारी मा वि, श्री नेपाल राष्ट्रिय आधारभूत विद्यालय बदालपुर र श्री ज्ञानोदय आधारभूत विद्यालय गरी ४ वटा विद्यालयमा कक्षा ५ मा अध्ययन गर्ने विद्यार्थीहरुबिच विभिन्न विधामा प्रतिस्पर्धा गराईएको थियो ।
वडाले आफ्नो वजेटमा आधार तहका विद्यार्थीहरुको ल्याकत क्षमता बुझ्न र आगामी शैक्षिक सत्रमा प्रभावकारी योजना बनाउन नेपाली, अग्रेजी, गणित र सेरोफेरो विषयको परीक्षा लिइएको थियो ।
जसमा विद्यार्थीहरुको उपलब्धी निराशाजनक रहेको बताउँदै वडाध्यक्ष रमेश दहितले सहभागि विद्यालयका प्रअ, विव्यस, शिक्षक अभिभावक संघका अध्यक्ष र विषयगत शिक्षक र विज्ञको संयुक्त भेला गरी आगामी दिनको योजना बनाउने वताउनु भयो । आधार तह नै कम्जोर भए पछि माथिल्ला कक्षामा आशातीत उपलब्धी नआउने भन्दै अब लगानी सहित गुणस्तर सुधारका लागि पनि पहल गर्ने वडाध्यक्ष दहितले वताउनु भयो । सहभागि भएका विद्यालयका प्रथम, द्वितीय र तृतीय छात्रछात्राहरुलाई पुरस्कार दिइएको थियो ।
Enter
