बर्दियाको राजापुर नगरपालिकाले महिला स्वास्थ्य स्वयम सेवकलाई दराज वितरण गरेको छ । राजापुर नगरपालिका ३ को कार्यालयले आफ्नो वडामा रहेका १३ जना महिला स्वास्थ्य स्वयम सेवकलाई आज जनही १ – १ थान स्टील दराज प्रदान गरेको
हो । वडा नं. ३ मा रहेको आधारभूत स्वास्थ्य केन्द्र प्रयागपुरका प्रमुख इन्द्रजित थारुले महिला स्वास्थ्य स्वयम सेवकलाई सेवा प्रवाहमा चाहिने सामग्री राख्न निकै आवश्यक पर्ने दराज माग गरेको र सो वडाले व्यवस्था गरिदिदाँ स्वयम सेवकहरु हर्षित भएको वताउनु भयो ।
सानो झोलामा सामान बोकेर हिड्दा अप्ठ्यारो मान्ने महिला स्वास्थय स्वयम सेवकलाई वडाले सेवामा सहजताका लागि दराज दिएर हौसला बढाएको स्वास्थ्य स्वयम सेवक करुणा चौधरीले वताउनु भयो । वडा नं. ३ को करिब ७० हजार वजेटमा वडाले दराज खरिद गरी दिएको भन्दै वडाध्यक्ष प्रसादु थारुले आफुले पाएको सबै सामानको पूर्ण सदुपयोग गर्न आग्रह गर्नु भयो ।
