दशरथ घिमिरे
बर्दिया बाट काठमाडौं जादै गरेकाे बस दाङमा दुर्घटना, २ जनाकाे मृत्यु दाङ-दाङमा बस दुर्घटना दुई जनाको मृत्यु भएको छ । गेरुवा गाउँपालिका-१ निवासी ३६ बर्षिय भिमनाथ याेगि र ठेगाना नखुलेका युवराज चाैधरीकाे मृत्यु भएको इलाका प्रहरी कार्यालय अमिलियाका प्रहरी निरीक्षक लाल बहादुर श्रेष्ठले जानकारी दिनु भयो ।
बर्दिया देखि काठमाण्डौ जाँदै गरेको प्रदेश ३ ०१००५ ख ९७१९ नम्बरको यात्रु बस लमही नगरपालिका -९ रिहार नजिकै गएराती ११ बजे दुर्घटना भएको थियो । दुर्घटना हुँदा बसमा सवार दुई जनाको घटनास्थलमै मृत्यु भएको थियाे । बसमा ४७ जना सवार रहेकाे २ जना घाइते भएको, अन्य यात्रुहरु सकुशल रहेकाे प्रहरीले जनाएको छ । बस चालक सामान्य घाइते भएको र उहाँको कोहलपुरमा उपचार भैरहेको छ । मृतकहरुको शव लमही अस्पतालमा राखिएको छ । बसकाे पट्टा भाँचिएर दुर्घटना भएको प्रहरीले जनाएको छ । अगाडि बसेका व्यक्ति हुत्तिएर च्यापिन पुगेकाले २ जनाकाे मृत्यु हुन पुगेकाे प्रहरीले जनाएको छ । केहिदिन अगाडी नेपालगन्जबाट काठमाण्डौ जाँदै गरेको यात्रु बस दाङको भालुवाङ राप्ती पुलबाट खस्दा १२ जनाको घटनास्थलमै ज्यान गएको थियो ।
