साथी खबर राजापुर २०८०-०८-११
दिदी बहिनी साना किसान कृषि सहकारी संस्था लिमिटेडले आजदेखि किसानको धान खरिद गर्न सुरु गरेको छ ।
बर्दियाको भौरा क्षेत्रको राजापुर ३ टेडियामा चिउरा भुजा उद्योग सञ्चालन गरेर किसानलाई सेवा सुविधा दिने उद्देश्यका साथ स्थापना गरिएको उद्योग सञ्चालन गर्न किसानको धान खरिद गर्न सुरु गरेको हो । राजापुरमा उत्पादन भएको धानबाट चिउरा भुजा बनाएर बजारीकरण गर्न बजारमा पठाउने तयारीका साथ संस्थाले मोटो धान प्रतिकुन्टल ३,२३८।– र मकवानपुर धान प्रतिकुन्टल ३,५४०।– मा खरिद गर्न थालेको दिदी बहिनी साना किसान कृषि सहकारी संस्था लिमिटेडकी प्रबन्धक मीना कुमारी चौधरीले वताउनु भयो ।
बजारमा भन्दा बढी मूल्यमा संस्थाले धान खरिदको काँटा लगाएकाले किसानबाट धान पाउने र गुणस्तरीय चिउरा भुजा बजारमा ल्याउने प्रबन्धक चौधरीको भनाई छ ।
