एसईई २०७९ को परिक्षामा उत्कृष्ट अंक ल्याउने छात्र छात्रालाई सम्मान गरिएको छ ।
राजापुर नगरपालिका वडा नम्बर ६ ले वडा भित्र एसइइमा उत्कृष्ट अंक ल्याउने छात्र छात्रालाई सम्मान गरेको हो । वडा नं ६ मा रहेको मानपुर माध्यामिक बिद्यालय टपराका छात्र ध्वज बहादुर रोकाय र छात्रा सुमिना चौधरीलाई साइकल, ब्याग, सम्मान पत्रसहित खादाले सम्मान गरिएको छ ।
वडा अध्यक्ष असराज न्यौपानेले एक कार्यक्रमका बिच आइतवार उनीहरुलाई सम्मान गर्नुभएको हो । वडा कार्यालयले प्रोत्साहन स्वरुप सम्मान गरेको अध्यक्ष न्यौपानेले चुरेकुञ्जलाई जानकारी दिनुभयो । एसइइमा छात्र रोकायले ३ जिपीए र छात्रा चौधरीले २ दशमलव २५ जिपीए ल्याएका थिए ।
