बर्दियाको राजापुरमा अन्तर्राष्ट्रिय अपाङ्गता दिवसको अवसरमा अन्तरक्रिया कार्यक्रम सम्पन्न गरिएको छ ।
राजापुर नगरपालिका वडा नं. ५ को वडा कार्यालयमा समावेशी तथा दीगो भविष्यको पूर्वाधार, अपाङ्गता भएका व्यक्तिहरुको प्रवल नेतृत्व यसको आधार भन्ने नाराका साथ अन्तरक्रिया सम्पन्न गरिएको हो ।
राजापुर नगरपालिका वडा नं. ५ मा आयोजित कार्यक्रमको सभाध्यक्षताको आसनबाट बोल्दै वडाध्यक्ष रमेश दहितले कोही पनि शारीरिक रुपले अशक्त र अपाङ्ग हुन चाहन्न रहर हुदैन विभिन्न कारणले अशक्त र अपाङ्ग भएका व्यक्तिहरुलाई अरु जस्तै समान व्यवहार र नेतृत्वको अवसर प्रदान गर्नु पर्दछ भन्ने धारणा राख्नु भयो ।
अपाङ्गहरु वैज्ञानिक, लेखक, विद्वान, दाशनिक, सफल व्यवसायी र नेतृत्वकर्ता भएका उदाहरणहरु धेरै नै रहेको भन्दै सबैले उहाँहरुको प्रगति र विकासका लागि सहयोग गर्नु पर्ने र उनीहरुलाई आवश्यक पर्ने ह्व्ल चियर लगायतका सामान सहयोग गर्ने प्रतिवद्धता गर्नु भयो । महिला वालवालिका तथा जेष्ठ नागरिक शाखा प्रमुख रिता चौधरीले सहजीकरण गरेको कार्यक्रममा स्वागत मन्तव्य सदस्य सविता परियारले दिनु भएको थियो । वडाका सरोकारवालाको सहभागितामा वडा कार्यालयको हलमा सम्पन्न कार्यक्रमको सञ्चालन सचिव अमित चौधरीले गर्नु भएको थियो ।
