अगहन १२ गते खाद्य व्यवस्था तथा व्यापार कम्पनी लि.मुख्य शाखा कार्यालय राजापुर गेरुवा गाउँपालिकाम धान खरिद डिपो स्थापना कैख किसानक धान खरिद कर्ना हुईल बा ।
गेरुवा गाउँपालिका वडा नं.३ बालुवाटार स्थित मैदानम काल बुधकसे धान खरिद कर्ना गेरुवा गाउँपालिका वडा नं. ३ क वडा सदस्य जमान सिंह कडायत जनकारी डेल बाट ।
कम्पनी आपन मापदण्ड भिटर पर्ना मोटा धान प्रति क्वीन्टल ३ हजार १ सय ९८ रुपैँया, मध्यम धान प्रति क्वीन्टल ३ हजार ३ सय ६२ रुपैँया व मकवानपुर धान प्रति क्वीन्टल ३ हजार ५ सय रुपैँयाम पल्लेदारी खर्च बाहेक खरिद कर्ना जनैल बा । धान विक्रि कर ल्यानबेर किसान आपन परिचय खुल्ना कागज (नेपाली नागरिकता, लालपुर्जा, लाईसेन्स मध्ये एक) म सम्बन्धित वडा कार्यालयक छाँप व हस्ताक्षर अनियवार्य पेश करपर्ना जनागिल बा ।
